ടൌണ്ഹാളില് സിനിമ തീര്ന്നതേയുള്ളു
തിരശീല അഴിച്ചു വെച്ചിട്ടില്ല
ഇത്തിരി മുന്പേ അവിടെ നിന്നാണ്
'ചെറിപ്പഴങ്ങളുടെ രുചി' അറിഞ്ഞത്
'ആത്മഹത്യ ചെയ്യണം'
അയാള് തീരുമാനിക്കുകയാണ്
പക്ഷെ മരണം ഉറപ്പിക്കാന് കൂടെ വേണം ഒരാള്
പൊടിക്കാറ്റിലൂടെ , മരണം പോല് നരച്ച മരുഭൂമിയിലൂടെ
തേടുകയാണ്
മരണത്തിനു കൂട്ടിരിക്കാനൊരാളെ.......
രാത്രിയാകുന്നു...
മദ്യശാലയില് നിന്നും സിനിമ തെരുവിലെത്തുന്നു
ശരത്തില്
ബാബുരാജ് കൂടുന്നു....
'അവിടുന്നെന് ഗാനം കേള്ക്കാന്........ '
വലിയ പൊട്ടിച്ചിരികള്..
വിക്കി വിക്കി മുറിഞ്ഞ്പോകുന്ന ക്ഷോഭങ്ങള്....
ക്രൂശിതരൂപം പോല് കൈകള് വിടര്ത്തി
ഗാഡമായൊരാലിംഗന തയ്യാറെടുപ്പ്
ഒരു ക്യാമറയിലും ശേഖരിച്ചിട്ടില്ലിത്..
ശരത്...
നീയെപ്പൊഴും പരിധിക്കു പുറത്ത്.
